Daniel Fernández, Fisioterapia e Movemento naceu en 2019 como unha aposta por unha idea, por unha visión da vida e da fisioterapia absolutamente persoal, coa que tento abordar cada un dos casos que chegan ás miñas mans.
Localizada en pleno centro da Coruña, esta clínica oferta un amplo abanico de tratamentos que adapto dunha maneira totalmente personalizada a cada caso, tendo en conta a realidade de cada paciente. Cada persoa é única na súa doenza e no traxecto que a trae ata esta consulta, por iso, cada caso abórdase cun enfoque global, respectando esa individualidade e involucrando a cada paciente dun xeito activo, no seu propio proceso de recuperación dende o primeiro momento.
Nun mundo onde a única constante da nosa realidade parece ser o cambio continuo, aposto por aproveitar ese cambio, ese movemento, para producir unha mellora significativa na calidade de vida dos meus pacientes. A través da terapia manual e do exercicio terapéutico, atopei o xeito de utilizar o movemento para provocar ese cambio, tanto preventivamente, como nos episodios de enfermidade.
